A7bk
08-05-09, 01:20 PM
السلام عليكم ورحمة الله وبركاته
الآخرون.... الذين لانراهم...لكن يروننا ويشعرون بنا
ونحن في بعض الاحيان نشعر بهم وبوجودهم فهم يعرفونا باسمائنا
ويعرفون مانحب وما نكره والدليل انهم في بعض الاحيان يحجبون عنا الرؤيا عمانبحث عنه ونحتاجه
وفي بعض الاحيان الاخرا يضهرون لنا بصورة اشخاص نحبهم او نعرفهم
الا وهم .... ( الجن )
وبالطبع لانختلف بوجود الجن في اي زمان ولا اي مكان وذلك عن نص بالقرآن الكريم
لا بل سوره الا وهي ( الجن )
موضوعي معكم عباره عن قصه او بعض المواقف التي سمعتها ليلة البارحه من سيدة مقربه لي جدا جدا جدا
كانت تقص علي هاذه الحكايا وكانها تروي لي من كتاب الف ليله وليله
وبعض قطرات من الدموع التي تترقرق بين مقلتيها من هول الموقف ورعب الحادثه
كنت استمع لما تروي وانا يقشعر بدني واشعر برعشه من الخوف الشديد اللذي انتابني عند استماعي لها.
والان اترككم مع ام حسين والجني عمار !!!!!
قعدت الصبح ومومن عادتي اقعد بهالوقت والسبب عندي زوار من بالخليج طبعا الخادمه جهزت الريوق ( الفطور )
وكان ناقص العسل ناديتها وطلبت منها تييبه قبل لا يطلعون من الغرف للريوق
وفجأه سمعت صراخ داخل بيتي !!!!!!!
كان الصوت مثل المكبرات الصوتيه او الاجهزه الصوتيه الموزعه في اسقف البيت وحيطانه
وكان هالصوت صوت وحده ( امرأة ) جنها تنطق وتصارخ بس الصوت ماكان طبيعي كان غليض ومرعب والغريب انه الصوت ياي من داخل البيت
انا خفت والخادمه استغربت مني تسالني
الخادمه : مدام انا وايد اسمع هالصوت هاذه مو الجيران ؟؟؟؟؟؟؟؟
على بالها المسكينه الجيران يتهاوشون
على فكره احنا مستاجرين فبيت واحد مع جيران خوش ناس واياويد ومايطلع لهم حس
المهم انا صرت اطق اطوف اروح من طوفه لي طوفه احط اذوني على الطوف ابي اسمع مصدر الصوت لدرجة اني رفعت الانتر كم ابي اتأكد واعرف مصدر هالصوت
طلعت وحده من الزوار كانت يايه عندي الدار وانا هديتها كنت ابي اجيك على الريوق تسالني عن سبب صيحتنا
الزائره: شهالصوت وانا بالدار ماسمعت اي شئ مثله؟؟؟؟؟؟؟
وسكت الصوت فجأه مثل مايه فجأه انا تعوذت من الشيطان وحطيت شريط قرآن كريم
بعدين سالت الخادمه تقولي انا دايما اسمع هالصوت اكيد الجيران بس في شئ غريب يصير معاها قالتلي عليه انها دايما
تسمع صوت يكلمها صوت مرعب ويخرع يكلمها عن بنتي !!!!!!!!
بس اهيه ماتفهم شنو يقول غير اسم بنتي
انا رحت للجيران اسالهم بطريقه لبقه عن هالصوت الي دايم نسمعه انصدمت من جارتنا بجوابها لي
الجاره : ليش هالصوت مومن بيتكم ؟؟؟؟ انا على بالي هاذه صراخكم اتني مع ابو العيال بس ماحبيت اتكلم معاج بالموضوع ماكنت ابي احرج نفسي ولا احرجج
ام حسين :ابو العيال الصبح بالدوام وهالصوت مومن بيتنا وانا على بالي منكم بس شكيت من الصوت فحبيت اسالج لاني ماتوقعت انه منكم اصلا
انا والجاره اهنيه طقتنا البوها ماندري شنقول حق بعض
المهم في وقت ثاني كنت بالمطبخ بروحي و الخادمه في الدور الثاني سمعت صوت الله لايسمعكم مثله صوت واحد مومفهوم
اغلب كلامه بس الي سمعته وفهمته جملة ( انا عمار ) طبعا ماله داعي اوصفلكم الحاله الي انا فيها انتوا حطوا انفسكم مكاني وراح
تتخيلون الموقف
المهم انا قبل كنت سامعه بالجن العمار هاذه نوع من الجن الي يسكن البيوت ومايطلع منها لانه يعتبر هالبيت بيته
في منهم الي يتاقلم مع الناس وفي منهم العكس الي مايحب احد معاه بالبيت.
A7bk: طبعا انا دخلت على النت اليوم ( قبل شوي ) ودورت عن الجن عمار وطلعلي فعلا في جن يتسما بهالاسم والي حاب يقرا عنه اكثر فمواضيعه موجوده على النت. اخليكم مره ثانيه مع ام حسين .
المهم بعد ماسمعته شئ طبيعي اني بنحاش من وحدتي بالمطبخ مع صوت انا ادري من نبرته انه من مصدر موطبيعي ولا من انسان
وفي مره ثانيه هم كنت بالمطبخ ومن نفس المكان سمعت الصوت نفسه يكلمني ويقولي انا عمار ومن بين كلامه المومفهوم سمعت !!
اسم بنتي ( احنا بالبيت مانادي بنتي باسمها نقول لها كتكوته لانها صغيره للحينها بالروضه)
لمه سمعت اسم بنتي كاي ام بخاف عليها حيل اكثر من اي شئ ثاني حتا اكثر من نفسي شعور طبيعي ينتاب اي ام تحب عيالها
بعدها سالت بعض الناس عن الحل قالولي اني اقرا آيات معينه من سوره معينه لوضع حجاب ساتر بين عالمنا وعالمهم
عالم الانس وعالم الجن
لكن بين فتره وفتره احس فيه واعيد قرءة الايات مره ثانيه .
الحمدلله على نعمة الاسلام والحمدلله على كل النعم الي الله انعم فيها علينا وخصوصا نعمة القرآن الي فيه علاج لكل شئ بهالكون.
الآخرون.... الذين لانراهم...لكن يروننا ويشعرون بنا
ونحن في بعض الاحيان نشعر بهم وبوجودهم فهم يعرفونا باسمائنا
ويعرفون مانحب وما نكره والدليل انهم في بعض الاحيان يحجبون عنا الرؤيا عمانبحث عنه ونحتاجه
وفي بعض الاحيان الاخرا يضهرون لنا بصورة اشخاص نحبهم او نعرفهم
الا وهم .... ( الجن )
وبالطبع لانختلف بوجود الجن في اي زمان ولا اي مكان وذلك عن نص بالقرآن الكريم
لا بل سوره الا وهي ( الجن )
موضوعي معكم عباره عن قصه او بعض المواقف التي سمعتها ليلة البارحه من سيدة مقربه لي جدا جدا جدا
كانت تقص علي هاذه الحكايا وكانها تروي لي من كتاب الف ليله وليله
وبعض قطرات من الدموع التي تترقرق بين مقلتيها من هول الموقف ورعب الحادثه
كنت استمع لما تروي وانا يقشعر بدني واشعر برعشه من الخوف الشديد اللذي انتابني عند استماعي لها.
والان اترككم مع ام حسين والجني عمار !!!!!
قعدت الصبح ومومن عادتي اقعد بهالوقت والسبب عندي زوار من بالخليج طبعا الخادمه جهزت الريوق ( الفطور )
وكان ناقص العسل ناديتها وطلبت منها تييبه قبل لا يطلعون من الغرف للريوق
وفجأه سمعت صراخ داخل بيتي !!!!!!!
كان الصوت مثل المكبرات الصوتيه او الاجهزه الصوتيه الموزعه في اسقف البيت وحيطانه
وكان هالصوت صوت وحده ( امرأة ) جنها تنطق وتصارخ بس الصوت ماكان طبيعي كان غليض ومرعب والغريب انه الصوت ياي من داخل البيت
انا خفت والخادمه استغربت مني تسالني
الخادمه : مدام انا وايد اسمع هالصوت هاذه مو الجيران ؟؟؟؟؟؟؟؟
على بالها المسكينه الجيران يتهاوشون
على فكره احنا مستاجرين فبيت واحد مع جيران خوش ناس واياويد ومايطلع لهم حس
المهم انا صرت اطق اطوف اروح من طوفه لي طوفه احط اذوني على الطوف ابي اسمع مصدر الصوت لدرجة اني رفعت الانتر كم ابي اتأكد واعرف مصدر هالصوت
طلعت وحده من الزوار كانت يايه عندي الدار وانا هديتها كنت ابي اجيك على الريوق تسالني عن سبب صيحتنا
الزائره: شهالصوت وانا بالدار ماسمعت اي شئ مثله؟؟؟؟؟؟؟
وسكت الصوت فجأه مثل مايه فجأه انا تعوذت من الشيطان وحطيت شريط قرآن كريم
بعدين سالت الخادمه تقولي انا دايما اسمع هالصوت اكيد الجيران بس في شئ غريب يصير معاها قالتلي عليه انها دايما
تسمع صوت يكلمها صوت مرعب ويخرع يكلمها عن بنتي !!!!!!!!
بس اهيه ماتفهم شنو يقول غير اسم بنتي
انا رحت للجيران اسالهم بطريقه لبقه عن هالصوت الي دايم نسمعه انصدمت من جارتنا بجوابها لي
الجاره : ليش هالصوت مومن بيتكم ؟؟؟؟ انا على بالي هاذه صراخكم اتني مع ابو العيال بس ماحبيت اتكلم معاج بالموضوع ماكنت ابي احرج نفسي ولا احرجج
ام حسين :ابو العيال الصبح بالدوام وهالصوت مومن بيتنا وانا على بالي منكم بس شكيت من الصوت فحبيت اسالج لاني ماتوقعت انه منكم اصلا
انا والجاره اهنيه طقتنا البوها ماندري شنقول حق بعض
المهم في وقت ثاني كنت بالمطبخ بروحي و الخادمه في الدور الثاني سمعت صوت الله لايسمعكم مثله صوت واحد مومفهوم
اغلب كلامه بس الي سمعته وفهمته جملة ( انا عمار ) طبعا ماله داعي اوصفلكم الحاله الي انا فيها انتوا حطوا انفسكم مكاني وراح
تتخيلون الموقف
المهم انا قبل كنت سامعه بالجن العمار هاذه نوع من الجن الي يسكن البيوت ومايطلع منها لانه يعتبر هالبيت بيته
في منهم الي يتاقلم مع الناس وفي منهم العكس الي مايحب احد معاه بالبيت.
A7bk: طبعا انا دخلت على النت اليوم ( قبل شوي ) ودورت عن الجن عمار وطلعلي فعلا في جن يتسما بهالاسم والي حاب يقرا عنه اكثر فمواضيعه موجوده على النت. اخليكم مره ثانيه مع ام حسين .
المهم بعد ماسمعته شئ طبيعي اني بنحاش من وحدتي بالمطبخ مع صوت انا ادري من نبرته انه من مصدر موطبيعي ولا من انسان
وفي مره ثانيه هم كنت بالمطبخ ومن نفس المكان سمعت الصوت نفسه يكلمني ويقولي انا عمار ومن بين كلامه المومفهوم سمعت !!
اسم بنتي ( احنا بالبيت مانادي بنتي باسمها نقول لها كتكوته لانها صغيره للحينها بالروضه)
لمه سمعت اسم بنتي كاي ام بخاف عليها حيل اكثر من اي شئ ثاني حتا اكثر من نفسي شعور طبيعي ينتاب اي ام تحب عيالها
بعدها سالت بعض الناس عن الحل قالولي اني اقرا آيات معينه من سوره معينه لوضع حجاب ساتر بين عالمنا وعالمهم
عالم الانس وعالم الجن
لكن بين فتره وفتره احس فيه واعيد قرءة الايات مره ثانيه .
الحمدلله على نعمة الاسلام والحمدلله على كل النعم الي الله انعم فيها علينا وخصوصا نعمة القرآن الي فيه علاج لكل شئ بهالكون.